АҚШ Давлат котиби Марко Рубио Венесуэла президенти Николас Мадурони наркокартелга раҳбарлик қилганликда айблади.
Рубио бу ҳақда ўзининг ижтимоий тармоқдаги саҳифасида ёзди.
Давлат котибининг сўзларига кўра, “ноқонуний Мадуро” АҚШ Давлат департаменти хорижий террорчилик ташкилоти рўйхатига киритмоқчи бўлган "Лос Солес" картелининг раҳбари ҳисобланади. Рубио Мадуро гуруҳи Венесуэлада “давлат институтларини бузган” ва “террорчилик зўравонлиги” учун жавобгарликка тортилиши кераклигини қўшимча қилди.
Аввалроқ АҚШнинг USS Gerald Ford авиаташувчи кемаси Кариб денгизига етиб келган эди. 19 октябрь куни АҚШ армиясининг элита бўлинмаси Венесуэла яқинига жойлаштирилгани ҳақида хабар берилган эди. Кейинроқ АҚШ армияси Кариб денгизида операцияга тайёргарлик кўраётгани маълум бўлди. Дональд Трамп яқин орада АҚШ Венесуеладаги наркокартелларга қарши “қуруқлик операциялари”ни бошлашини айтди.
Зеленский "тарихий келишув"ни эълон қилди
"Араблар Ҳабибни пулга кўмиб ташлашди..."
“Реал Мадрид” стадиони номи ўзгарди (фото)
