АҚШ Давлат котиби ўринбосари Ричард Верма 17-19 июнь кунлари Арманистонга ташриф буюради.
Бу ҳақда Давлат департаменти матбуот хизмати хабар берди.
Маълумотларга кўра, америкалик дипломат Арманистон-АҚШ форумида иштирок этади, шунингдек, бош вазир Никол Пашинян ва ташқи ишлар вазири Арарат Мирзоян билан учрашувлар ўтказади.
Эслатиб ўтамиз, аввалроқ АҚШ Давлат котибининг Европа ва Евроосиё масалалари бўйича ёрдамчиси Жеймс О'Брайен Арманистонга ташриф буюрган эди.
