АҚШ Давлат котиби Энтони Блинкен Давлат департаментига Исроил ва ХАМАС ўртасидаги урушдан кейин Вашингтон ва халқаро ҳамжамият томонидан «Фаластин давлати»ни тан олиш имкониятларини таҳлил қилиш ва тақдим этишни топширди, деб хабар бермоқда Axios ахборот сайти АҚШнинг икки юқори мартабали маъмуриятига таяниб.
💬 Америка ташқи сиёсат департаменти матбуот хизмати раҳбари Мэтью Миллернинг айтишича, АҚШ Давлат департаменти минтақадаги ҳамкорлари билан Фаластин-Исроил можаросини икки давлат тамойили асосида ҳал этиш йўлини амалга ошириш учун зарур бўлган аниқ ҳаракатлар бўйича маслаҳатлашмоқда.
«Мен ушбу мақсадга эришиш учун маъмурият доирасида олиб бораётган ишларимизга изоҳ бермайман, лекин шуни таъкидлаб ўтаманки, бунга эришишнинг кўплаб йўллари бор, бу вазифага эришиш учун турли ҳаракатлар кетма-кетлиги амалга оширилиши керак. Ва биз кенг кўламли вариантларни кўриб чиқамиз. Ва биз уларни минтақадаги ҳамкорлар билан, шунингдек, АҚШ ҳукуматидаги ҳамкорлар билан муҳокама қилмоқдамиз», деди Миллер Axios материалини шарҳлар экан.
