АҚШ БАА тадбиркори Салим Аҳмад Саид ва унга алоқадор компанияларга нисбатан санкциялар жорий этишга тайёрланмоқда

Сабаби, Wall Street Journal нашрига кўра, санкция қўйилган Эрон нефтини экспорт қилишга кўмаклашиш.

Амирлик вакиллари нефтни Ироқ ва Эрон ўртасидаги сувларда кемадан кемага ўтказиб, этказиб беришни амалга оширди.

Шундан сўнг, юкнинг келиб чиқишини яшириш ва Ғарб санкцияларидан қочиш учун Эрон нефти Ироқ нефти сифатида ўтказилди.

2020-йилда “қора олтин”нинг келиб чиқишини яшириш бўйича операциялар Теҳрон экспортининг 25 фоизини ташкил этди.