АҚШ: Агар Путин тинчлик келишувини рад этса, Россияга янги санкциялар тайёрланмоқда

АҚШ, агар Владимир Путин Россия–Украина урушида тинчлик келишувини рад этса, Россия энергетика секторига қарши янги санкциялар жорий қилишга тайёрланмоқда.

Мақсадли чоралар қуйидагиларни ўз ичига олиши мумкин:

• Россия нефтини ташишда қўлланилаётган танкерлар ва улар билан боғлиқ операцияларни нишонга олиш;

• Шу жараёнда иштирок этаётган трейдерларга қарши чоралар.

Янги санкциялар шу ҳафта бошида эълон қилиниши мумкин. АҚШ молия вазири Скотт Бессент бу режаларни Европа элчилари билан муҳокама қилган.

Якунлий қарор эса АҚШ президенти Дональд Трампга боғлиқ.

Шу билан бирга, АҚШ ва Украина музокарачилари “тинчлик режаси” бўйича айрим илгариқликларга эришган. АҚШ элчиси Стив Виткофф Берлинда Украина президенти Зеленский ва Европа етакчилари билан икки кунлик музокаралар ўтказган.

Украинанинг АҚШдаги элчиси Ольга Стефанишина Сенатда Россиядан нефть ва нефть маҳсулотлари импорт қилишни чекловчи икки партиявий қонун лойиҳаси киритилганини эълон қилган.