"Ноттингем Форест" бош мураббийи Анге Постекоглу ишсиз қолиш хавфи остида. Австралиялик сентябрь ойи бошида "ўрмончилар" бошқарувига келган, аммо натижаларни яхшилай олмаган - еттита ўйинда бешта мағлубият ва иккита дуранг. Журналист Грэм Бейлининг маълум қилишича, 60 ёшли мураббий Премьер-лигада "Челси"га қарши уй учрашувида муваффақиятсизликка учраса, истеъфога чиқарилиши мумкин. Учрашув шанба куни (Тошкент вақти билан 16:30) бўлиб ўтади.
Эслатиб ўтамиз, аввалроқ Анге Постекоглу икки йил давомида "Тоттенхэм"ни бошқарган эди. "Шпорлар" раҳбарияти ўтган ёзда Европа Лигасидаги ғалабага қарамай, мутахассисни истеъфога чиқарган эди.
"Ноттингем Форест" Англия чемпионатининг 7-туридан кейин турнир жадвалида 17-ўринни эгаллаб турибди.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
