Англия Премьер-лигаси 5-туридан ўрин олган "Манчестер Юнайтед" ва "Челси" ўртасидаги учрашув якунланди. Манкунианликлар ушбу баҳсда 2:1 ҳисобида ғалаба қозонди. Ўйин Манчестердаги "Олд Траффорд" стадионида бўлиб ўтди.
5-дақиқада лондонликлар дарвозабони Роберт Санчес қизил карточка олди. 14-дақиқада Бруну Фернандеш ҳисобни очиб, "қизил иблислар"ни олдинга олиб чиқди. 37-дақиқада Каземиро устунликни икки баравар оширди. Бироқ у 45+5-дақиқада иккинчи сариқ карточка олиб, майдондан четлатилди.
80-дақиқада Трево Чалоба "Челси" сафида ҳисобни қисқартирди. Ўйин сўнгида лондонликлар босимни оширишди, аммо "МЮ" ғалабани ушлаб қолишга муваффақ бўлди.
Мазкур ўйиндан сўнг "Манчестер Юнайтед" 7 очко билан турнир жадвалида 9-ўринни эгаллаб турибди. "Челси" эса 8 очко билан 6-ўринда жойлашган.
Келаси турда "қизил иблислар" 27 сентябрь куни "Брентфорд"га қарши майдонга тушади. Шу куни "Челси" ўз майдонида "Брайтон энд Хоув Альбион"ни қабул қилади.
Англия — Премьер-лига. 5-тур
20 сентябрь 2025-йил, шанба. 21:30
Манчестер Юнайтед — Челси - 2:1
Голлар: 1:0 Фернандеш — 14'; 2:0 Каземиро — 37'; 2:1 Чалоба — 80'
Четлатишлар: Каземиро — 45+5' / Санчес — 5'
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
