Бу ҳақда Der Spiegel маълум қилди.
Нашр маълумотларига кўра, Россияда қамалган мухолифатчи Навалнийни Германияда чеченистонликни отиб ўлдиргани учун умрбод қамоқ жазосига ҳукм этилган қотил Вадим Красиковга алмаштириш ғояси илк бор 2022 йил ёзида пайдо бўлган. Бу жараёнга АҚШ ҳам қўшилган, Вашингтон Россия қамоқхоналаридан бир нечта америкаликни озод қилишни хоҳлаган. Алмашинув жараёнини тайёрлашда Ҳиллари Клинтон, Роман Абрамович ва АҚШнинг собиқ давлат котиби Жон Керри ҳам иштирок этган.
2023 йил апрел ойида Навалнийнинг тарафдорлари Берлинда Германия ташқи ишлар вазири Анналена Бербок билан учрашган, аммо у рус мухолифатчисини Красиковга алмаштириш режасига шубҳа билан қараган. У халқаро ҳуқуққа ишора қилиб, қотилни озод қилиш Европа учун янги сиёсий қотилликларга йўл очишидан хавотир билдирган. 2023 йил ёзида, гарчи Олаф Шолц ҳам ушбу жараённи қўллаб-қувватлаган бўлса-да, Бербок ўз позициясида қатъий туришда давом этган, деб ёзади Der Spiegel.
Нашр кузнинг охирига келибгина Германия канцлери ташқи ишлар вазирини ишонтиришга муваффақ бўлганини ёзади. Қайд этилишича, Берлин ва Вашингтон Красиков ва Ғарб қамоқхоналарида турли жиноятлари учун жазо муддатларини ўтаётган бир неча россиялик махсус агентларни The Wall Street Journal журналисти Эван Гершкович, АҚШ денгиз пехотаси аскари Пол Уилан ва рус мухолифатчиси Навалнийга алмаштиришга келишиб олган. Бироқ 2024 йил феврал ойида Навалний қамоқхонада вафот этган ва август ойидаги алмашинув жараёни усиз амалга оширилган.
Қодировнинг аҳволи жуда оғир: у ворис қидирмоқда
Ҳиндистонлик талаба Тошкент тиббиёт академиясидан норози бўлди
Франция Россия Ғалаба байрамига таклиф қилинмаганидан ғазабланди
