Ангрен шаҳрида сифати кафолатланмаган дори воситаларини сотувга қўйган дорихона аниқланди

Бош прокуратура ҳузуридаги Департаментнинг Ангрен шаҳри бўлими томонидан ўтказилган тезкор тадбирда “A.T.” хусусий корхонасига қарашли дорихонада норасмий ишлаб келган сотувчи Д.А. харидор Ф.Н.га сифатини тасдиқловчи ҳужжатлари бўлмаган дори воситаларини сотган вақтида ушланиб, дорихона кўздан кечирилганда умумий баҳоси 59,8 млн сўмлик жами 21 106 дона кирим ҳужжатлари мавжуд бўлмаган дори воситалари, шундан 3 380 донасининг яроқлилик муддати ўтган ҳамда 325 дона биологик фаол қўшимчалар савдо растасида сотувга қўйилганлиги аниқланиб, ушбу дори воситалари ашёвий далил сифатида олинган.

Мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.