Андрей Ермакнинг кетиши Киевнинг ён беришга тайёрлигидан далолатми?

Андрей Ермакнинг Президент офиси раҳбарлигидан кетиши Киевнинг тинчлик музокараларида ён беришга тайёрлигидан далолат бериши мумкин, деб ёзмоқда The American Conservative

Ермак қатъий позицияни эгаллаб, ҳар қандай ҳудудий муросаларни, шу жумладан, тинчлик эвазига демилитаризация қилинган зона ҳақидаги Америка таклифини ҳам рад этиб келарди. 2024 йилда у "Foreign Affairs" журналида мақола ёзиб, унда тинчликка эришишнинг ягона йўли Украинанинг тўлиқ ғалабаси эканлигини айтган. Нашрнинг фикрича бу мақсад, Россиянинг ҳозирги устунлиги шароитида нореалдир.

Ермакнинг истеъфоси Украинанинг янада мослашувчан позицияни эгаллаши ва Киев ҳамда Москва талаблари ўртасидаги фарқни қисқартириши мумкинлиги эҳтимолини оширади.