Андижонда солиқдан ярим млрд қарзи бўлган “заправка“ қарзини тўлади

Қарздор Мажбури ижро бюроси томонидан тегишли тартибда огоҳлантирилган ва унинг кўчмас мулклари ҳамда банк ҳисоб рақамларига тақиқ қўйилган.

Қайд этилишича, Мажбурий ижро бюроси Бўстон туман бўлими иш юритувига ҳам “Сифатли метан газ“ МЧЖдан Андижон вилоят солиқ бошқармаси фойдасига 553,3 млн. сўм солиқ қарзини ундириш бўйича ҳужжат келиб тушган.

Солиқ тўловларини ўз вақтида тўлаб бориш зарурлигини англаган жамият вакиллари берилган ихтиёрий муддат ичида 553,3 млн сўм, ярим миллиарддан зиёд солиқ қарздорлигини бартараф этди.