Андижонда 100 миллион сўм.дан зиёд товарларни ҳужжатларда кўрсатмасдан олиб киришга бўлган уриниш фош этилди

Юртимизга товар-моддий бойликларни олиб киришда божхона тўловларини четлаб ўтишга уринаётган шахсларнинг ноқонуний хатти-ҳаракатларига божхона органлари томонидан ўз вақтида чек қўйилмоқда.

Хусусан, Андижон вилояти божхона бошқармасининг “Дўстлик” чегара божхона пости орқали юртимизга кириб келган “VOLVO” русумли юк автотранспорт воситаси белгиланган тартибда божхона кўригидан ўтказилди.

Натижада, юк кузатув ҳужжатларида ёзиб кўрсатилмаган 131,2 миллион сўм қийматдаги 4 тонна товар моддий бойликлар мавжуд эканлиги аниқланди.

Хозирда мазкур ҳолат юзасидан божхона органлари томонидан терговга қадар текширув ҳаракатлари давом эттирилмоқда.