«Андижон» трансфер тақиқидан қутилди: ФИФА клубга қўйилган чекловни олиб ташлади

Жорий йилнинг 16 июль санасида ФИФА Интизом қўмитаси «Андижон» клубига собиқ футболчиси — Артём Одинсов олдидаги қарздорлик туфайли янги футболчиларни рўйхатдан ўтказишга тақиқ қўйган эди.

Кеча, 27 июль санасида ФИФА клуб ва футболчи ўртасидаги низо тўлиқ ҳал қилингани ҳамда «Андижон» клубига нисбатан қўлланилган интизомий жазо чораси бекор қилинганини маълум қилди. Унга кўра, клуб эндиликда ўз сафига янги футболчиларни қўшиб олиш ва уларни рўйхатдан ўтказиш имкониятига эга бўлди.