Угандалик Имом Муҳаммад Мутумба Шабулла Набукира исмли қизга уйланди. Тўйдан икки ҳафта ўтгач, “келин”нинг Ричард Тумушаба исмли эркак, бунинг устига, фирибгар эканлиги маълум бўлди, дея хабар беради “New Vision” портали.
Қайд этилишича, Мутумба ўтган йилнинг охирида масжидда аёллар кийимини кийган бир йигитни учратиб қолади. Декабрь охирида улар мусулмон одатига кўра тўй қилишади. Ундан олдин имом қишлоқдаги “келин”нинг холасининг уйига бориб, қалин сифатида икки қоп шакар, иккита эчки, кийим ва Қуръон нусхасини беради.
Никоҳдан сўнг икки ҳафта давомида Набукира имом билан яқин муносабатларга киришишдан бош тортади. Фирибгар ўз жинсини ҳижоб, косметика ва аёл овозига тақлид қилиб яширади.
Ёлғон “имомнинг рафиқаси” ўғирликда гумон қилинганидан кейин фош бўлади: Тумушаба тунда қўшни хонадонга ўғирликка тушиб, кийим-кечак, телевизор ва 300 минг Уганда шиллиллери (81 доллар)ни ўмаради.
Жиноятчини камерага жойлаштиргандан сўнг полиция ундан товламачиликнинг барча тафсилотларини билиб олади. "Келин" учун қалин пули олган ёлғончининг "холаси" ҳам ҳибсга олинган. У Тумушаба билан тахминан бир йил олдин танишганини маълум қилган.
Эрон зарбаси катта зарар етказмади, лекин...
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
