Хонанда Алла Пугачёванинг вакили Елена Чупракова санъаткорнинг юрак операциясини ўтказгани ёки ижодий фаолиятини тугатгани ҳақидаги хабарларни тасдиқламади.

Унинг РИА Новости агентлигига маълум қилишича, бу ҳақда унда ҳеч қандай маълумот йўқ.

«Йўқ, менда бундай маълумот йўқ. Бу ҳақда хабардор эмасман», — деди Чупракова Пугачёванинг юрак операциясини бошдан кечиргани ва саҳна фаолиятини якунлагани ҳақидаги саволга жавоб берар экан.

Аввалроқ Mash Telegram канали Алла Пугачёва гўёки икки марта юрак операциясини ўтказгани, шундан сўнг саломатлиги билан боғлиқ сабабларга кўра барча чиқишларини бекор қилиб, ижодий фаолиятини якунлагани ҳақида хабар тарқатган эди.

Алла Пугачёва 2022 йил октябрь ойида фарзандлари билан Исроилга кўчиб кетган. 2023 йил ноябрь ойида у қисқа муддатга Россияга қайтиб, шахсий фойдаланиш учун учта қўшиқ ёзганидан сўнг яна мамлакатни тарк этган.