Миллий Тикланиш демократик партияси раиси Алишер Қодиров Украинада бўлиб ўтаётган жараёнларга муносабат билдирди:
«Ватанига бостириб келганга қарши курашиш, ҳар қандай шароитда ҳам тўғри! Бировнинг ватанига бостириб бориш, сабаби нима бўлишидан қатъий назар нотўғри!
Ўзбек халқи асрлар давомида орттирган давлатчилик тажрибаси асосида доимо вазмин хулосалар, прагматик музокаралар тарафдори бўлган ва тинчликни қадрлаган.
Украинадаги инқироз бўйича билдирилган Ўзбекистон позициясини тўғри деб ҳисоблаймиз ва қўллаб-қувватлаймиз. Дўст украин ва рус халқлари бошидаги қонли қора булутларни тезроқ бартараф бўлишидан умидвормиз. Жонажон Ўзбекистонимиз тинч бўлсин!».
