"Алиментчилар" учун хушхабар бор

Ўзбекистонда илк бор алимент тўловчиларга нисбатан жорий қилинган чекловлар бўйича кескин сиёсат ўзгараяпти. Адлия вазирлиги томонидан руйхатга олинган янги низом (рўйхат рақами: 3196-2, 26.11.2025) бугунги ижро амалиётида янги саҳифа очди.

Энди нима бўлади?

⚡️ Алимент тўлаш мажбурияти бор шахс суғурта полисига эга бўлса, давлат ижрочиси унинг чет элга чиқиш чекловини вақтинча тўхтатади.

Бу, аслида, бир нарсани англатади: давлат биринчи марта алимент масаласида молиявий кафолатни чекловдан устун қўймоқда.

Бу суғуртани фақат лицензияга эга компаниялар беради ва унинг ҳақиқийлиги МИБ томонидан автоматик тарзда текширилади. Бошқача айтганда, “пули бор алиментчилар учун чеклов ёпилади”.

БУ НИМАСИ БИЛАН МУҲИМ?

🔹 Чекловлар йилига минглаб фуқароларнинг иш, ўқиш ва халқаро ҳаракатланиш ҳуқуқини чекларди.
🔹 Янгидан киритилаётган механизм эса: давлат — назорат, фуқаро — кафолат, бола — молиявий ҳимоя тамойилини шакллантиряпти.
🔹 Бу ўзгариш ижро тизимидаги қаттиқ бюрократияни юмшатиш билан бирга, ҳалқ ва давлат ўртасидаги ишонч мувозанатига янги модел таклиф қиляпти.

Қисқача айтганда:
Ўзбекистонда алимент тўлаган-тўламаслик масаласи энди фақат жазо эмас, балки рақамли кафолат ва масъулият тамойилига кўчмоқда. Визалар, парвозлар, халқаро сафарларга ва чет элга ишга боришда қарздорлар учун аввалгидай тақиқ қуйилмайди.