Оила бошлиғи бўлган ота аёли ва фарзандларини моддий томондан таъминлашга масъул. Гарчи, ажралишган бўлса ҳам фарзандларининг моддий таъминоти отаси зиммасида қолади. Лекин, афсуски, оталик бурчини унутганлар ҳам борки, қонун уларни ўз ҳимоясига олиб, адолат қарор топади.
Андижон шаҳрида яшовчи Н.Х. 2016 йилда Россия федерациясига ишлаш учун кетган. У хорижда бўлган даврида собиқ турмуш ўртоғи томонидан алимент ундириш учун судга даъво ариза киритилган.
Шунга кўра, фуқаролик ишлари бўйича Андижон туманлараро судининг ижро ҳужжатига асосан қарздордан ундирувчи фойдасига икки нафар вояга етмаган фарзандининг моддий таъминоти учун алимент ундириш белгиланган.
Қарздор ота 2016 йилда хорижга чиқиб кетганлиги ва бу йил юртимиз ҳудудига қайтганлиги аниқланган. Унинг мамлакатимиз ҳудудидан четга чиқиш ҳуқуқлари вақтинча чекланган. Бу ҳуқуқни тиклаш мақсадида ота алимент қарзи ва келгусидаги алимент тўловлари эвазига ўзининг Андижон шаҳридаги икки хонали уйини беришга рози бўлган.
Суд орқали ижро этиш усули ва тартиби ўзгартирилиб, 48 млн. сўм алимент қарзи ва фарзандлар вояга етгунига қадар ҳисобланган 94,1 млн. сўм эвазига икки хонали уйнинг ҳужжатлари турмуш ўртоғи номига расмийлаштириб берилди.
Маълумотларга кўра, мажбурий ижро бюроси Андижон вилоят бошқармаси иш юритувида жами алимент ундируви билан боғлиқ 35 минг 826 та ижро ҳужжати мавжуд. Ўтган давр мобайнида амалга оширилган ижро ҳаракатлари натижасида 145 млрд. сўм маблағ ундирилган.
Алишер Усмонов номзодини 103та давлат қўллаб-қувватлади
Қибрайда юз берган отишма юзасидан расмий ахборот берилди
Келаси ҳафта бошида (28-30 октябрь) кутилаётган об-ҳаво маълумоти эълон қилинди
