Португалиялик футбол агенти Паулу Барбоза «Бенфика» клубининг ЦСКА ва Ўзбекистон терма жамоаси ярим ҳимоячиси Аббосбек Файзуллаев трансферига рад жавоби беришини изоҳлади.
Аввалроқ агент Герман Ткаченко «Бенфика» билан Файзуллаевнинг трансфери бўйича музокаралар олиб борганини маълум қилганди. Унинг сўзларига кўра, клуб музокаралар биринчи босқичидаёқ «руслар билан ҳамкорлик қилмаймиз», деб жавоб берган ва шу билан мулоқот якунланган.
Паулу Барбоза бу фикрларга шундай жавоб берди:
«Нега Ткаченко бу ҳақда оммавий равишда гапирмоқда? Агар у буни айтган бўлса, демак, рост. Герман агентлик соҳасида катта профессионал.
Аммо бу ерда русофобия ҳақида гап бўлиши мумкин эмас. Чунки мен Аббоснинг «Бенфика»га қанчалик мос келишини кўрмаяпман.
«Бенфика» фақат спорт манфаатлари асосида ишлайди, бошқа сабаблар йўқ. Клуб президенти Руй Кошта ва собиқ бош мураббий Рожер Шмидт ўртасида илгари қарама-қаршиликлар бўлган.
Португалияда русофобия йўқ – бу муҳим. Коштада Россиядан кўплаб дўстлар бор, бу ерда гап фақат спорт масаласи ҳақида кетмоқда».
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
