Украина ТИВ маълумотларига кўра, Африканинг 37 давлатига мансуб камида 2 982 нафар фуқаро Россия Қуролли кучлари таркибида жанг қилмоқда, улардан 486 нафари ҳалок бўлган бўлиши мумкин. Яна Африканинг 17 давлати фуқаролари бўлган 35 киши Украина асирлигида. Украина ташқи ишлар идораси Россия африкаликларни юқори маош, иш ёки таълим, Россия фуқаролиги ва ижтимоий имтиёзлар ваъдаси орқали ёллаётганини билдирмоқда. Айрим ҳолларда хорижликлар ҳарбий шартномаларни рус тилида имзолашга мажбурланган.
Украина дипломатик каналлар орқали бундай ёллаш ҳолатларига қарши чора кўришга ва Африка давлатлари ҳукуматларини хабардор қилишга уринмоқда. Июль ойида Ботсвана ҳукумати ҳам ўз фуқароларини Украинага қарши урушда иштирок этиш учун ёллаш ҳолатлари кўпайганини маълум қилган.
Дунёда атиги уч киши хорижга паспортсиз саёҳат қилиши мумкин
Муҳожирлар кетмоқда — Москва эса қайтишга чақирмоқда
Аманбай Оринбаевга генерал-майор унвони берилди
