Гвинеялик эркак олий маълумотни тамомлаш учун 4000 км масофани велосипедда ҳайдаб чиқди.
Гвинеядан Мали, Буркина-Фасо, Того, Бенин, Нигер ва Чад орқали Мисрнинг Ал-Азҳар университетига ўқишга кирмоқчи бўлган 25 ёшли Мамад Сафаи Барри тўрт ой давомида велосипедда юрди. Ва бу соғлом турмуш тарзи масаласи эмас - унинг самолёт учун пули йўқ эди. У уч марта ҳибсга олинган - баъзи мамлакатларда тартибсизликлар, баъзи жойларда эса жангарилар билан уруш сабаб.
Чадда маҳаллий оммавий ахборот воситалари ундан интервью олдилар ва йигитнинг авиачиптасини сотиб олиб беришга тайёр одамлар бор эди. Қоҳирадаги университет декани бу воқеадан ҳайратда қолди ва йигитни тўлиқ стипендия билан ўқишга киритди.
