Afghanistan International: Толиблар Бадахшон вилоятида қуролли мухолифатга қарши кенг кўламли ҳарбий операцияга тайёргарлик кўрмоқда

Манбаларга кўра, Зебак туманига қўшимча кучлар ва юқори лавозимли қўмондонлар юборилган. Шунингдек, Яфтал ва бошқа ҳудудларда янги назорат-ўтказиш пунктлари ташкил этилган, тунги патруллар ҳамда хавфсизлик чоралари кучайтирилган.

Бу қарор Афғонистон Миллий қаршилик фронтининг (ФНҚФ) сўнгги ҳужумларидан кейин қабул қилинган. Мухолифат Зебакнинг тоғли ҳудудларида толиблар позицияларини эгаллаганини ва уларга қарши бир қатор ҳужумлар уюштирганини маълум қилган. Шунингдек, Бадахшонда толибларнинг ахборот ва маданият бошқармаси раҳбари Забиҳулло Амирийнинг ўлдирилиши ҳам вазиятни янада кескинлаштирган.