Қирғизистоннинг Боткен вилоятида Ўзбекистон билан чегарада контрабанда учун ишлатилгани тахмин қилинаётган туннел топилди. Бу ҳақда вилоят Ички ишлар бошқармасига таяниб 24.kg хабар берди.
Экстремизм ва ноқонуний миграцияга қарши курашиш хизмати ходимларига туннел ҳақида маълумот келиб тушган. Ушбу туннел чегара ҳудудида товарларни ноқонуний олиб ўтиш учун қурилгани маълум қилинган.
Шундан сўнг Қадамжой тумани Чечелик қишлоғи Мамажанов кўчасида жойлашган ташландиқ уйда текширув ўтказилган ва қўшни давлатга олиб борувчи туннел аниқланган. Унинг чуқурлиги тахминан 12 метр, кенглиги эса 1,5 метрни ташкил этган. Ҳозирда Боткен вилояти ИИБ Тергов хизмати томонидан текширув ўтказилмоқда.
Эрон 200 нафардан ортиқ америкалик ҳарбий хизматчиларни йўқ қилди
Озарбайжон Эронга жавоб чораларини кўрди
Россия халқини ҳеч қачон енгиб бўлмайди
