Aбитуриент хотин-қизлар учун тавсиянома олишга аризалар қабули тугашига 2 кун қолди

▪️Aризалар xotin-qizlar.uz платформаси орқали электрон шаклда 8 июнга қадар қабул қилинади.

Эҳтиёжманд оилалардаги хотин-қизларга тавсиянома қуйидаги мезонлар асосида берилади:

➖ кам таъминланган оилалардаги хотин-қизлар. Оиланинг ҳар бир аъзосига жами бир ойлик ўртача даромад минимал истеъмол харажатлари миқдоридан ошмаганда кам таъминланган деб эътироф этиш тушунилади;

➖ тўлиқсиз оилада тарбияланаётган, яъни отаси ёки онаси ёхуд уларнинг иккаласи ҳам вафот этган ижтимоий ҳимояга муҳтож қизлар;

➖ турмуш ўртоғи вафот этган, вояга етмаган фарзандини ёлғиз тарбиялаётган ижтимоий ҳимояга муҳтож аёллар;

➖ ногиронлиги бўлган фарзанди бор эҳтиёжманд оилалардаги хотин-қизлар;

➖ икки ва ундан ортиқ фарзандларини тарбиялаётган, бошқа қариндошларидан алоҳида (ижарада) яшаётган ижтимоий ҳимояга муҳтож ёлғиз аёлларнинг қиз фарзандлари;

➖ ота-оналаридан бири ёки ҳар иккиси ҳам биринчи ёки иккинчи гуруҳ ногирони бўлган эҳтиёжманд оилалардаги хотин-қизлар.

❗️Тавсияномалар сонига чеклов йўқ. Ажратилган квота сони — 2 мингта. Яъни тавсиянома олган хотин-қизлар жами 10 минг нафар бўлса, шулар орасидан 2 минг киши қўшимча квотага талабаликка қабул қилинади.