Абдуқодир Ҳусановга “Челси” қизиқиш билдирмоқда

Франциянинг “Ланс” жамоасида тўп сурувчи ўзбекистонлик футболчи Абдуқодир Ҳусанов Европанинг қатор клублари нишонига айланди.

Ҳусановга Англиянинг “Челси” жамоаси жиддий қизиқиш билдирмоқда. “Аристократлар” скаутларининг фаолиятини ёритиб борувчи Haitham Х саҳифаси “Челси” Абдуқодирни кузатиш учун Францияга ўз скаутларини жўнатганини ёзган. Скаутлар “Ланс”нинг “Лилль”га қарши ўйинида (26 октябрь) 20 ёшли ҳимоячининг ҳаракатларини кузатади.

Маълумот учун, Абдуқодир Франция чемпионатида 8-тур якунларига кўра рамзий жамоадан ўрин олганди.

Қайд этиб ўтиш жоиз, “Лaнс” Лига 1 да 14 очко жамғарган ҳолда 5-ўринда бормоқда.