Оғир вазнда WBA Gold йўналиши бўйича жаҳон чемпиони Пол Бамба (19-3, 18 КО) 35 ёшида вафот этди.
Бу ҳақда америкалик менежер, қўшиқчи Ne-Yo маълум қилди. Ўлим тафсилотлари ошкор этилмаган.
"У буюкликка эришиш учун тинимсиз интилар эди. Лекин, энг муҳими, у ўзининг ғайриоддий ғайрати ва қатъияти билан кўпчиликни илҳомлантирган инсон эди", дейилади баёнотда.
Бир ҳафта олдин, 21 декабрь куни Бамба 6-раунддан кейин жангни давом эттиришдан бош тортгани учун Рогелио Лунани мағлуб этганди.
