Абдуқодир Ҳусанов «Сити» билан клублар ўртасидаги ЖЧда иштирок этади

«Манчестер Сити» клублар ўртасидаги жаҳон чемпионати учун кенгайтирилган таркибни эълон қилди.

Қайдномага 27 нафар футболчи киритилди. Ўзбекистон ҳимоячи Абдуқодир Ҳусанов ҳам ушбу таркибдан ўрин олди. Ҳамюртимиз 45-рақам остида турнирда иштирок этади.

Маълумот ўрнида. «Манчестер Сити» G гуруҳидан ўрин олган бўлиб, бу гуруҳда, шунингдек, «Видад» (Марокаш), «Ал-Айн» (БАА) ва «Ювентус» (Италия) клублари ҳам бор. "Шаҳарликлар" илк ўйинни 18 июнь куни "Видад"га қарши ўтказади.