Абдуқодир Ҳусанов сайёранинг энг тезкор 10 нафар футболчиси қаторига кирадими?

speedsdb.com сайти футболчиларнинг тезлиги борасидаги маълумотларни тақдим этиб бормоқда. Бироқ у ердаги рақамлар у қадар аниқ эмас.

Хусусан, "Манчестер Сити" ва Ўзбекистон миллий терма жамоаси ҳимоячиси Абдуқодир Ҳусанов 2025 йил 8 март куни "Ноттингем Форрест"га қарши ўйинда 36,29 км/соат тезлик қайд этган, лекин бу кўрсаткич рейтингда инобатга олинмаган. Бундан ташқари, Ҳусанов "Ланс" сафида ҳаракат қилган вақтида ("Реймс"га қарши баҳсда, 2024 йил 29 ноябрь) 37 км/соат тезликка эришган эди.

Шу тариқа, Абдуқодир Ҳусанов ё сайёранинг энг тезкор 10 нафар футболчиси қаторидан жой олган, ёки камида кучли ўнликка жуда яқин масофада турибди.