Миграция вазирлиги 31 май куни Қундуз вилоятидаги Шерхон чегара пункти орқали 49 нафар афғон муҳожирлари ўз ватанларига қайтарилганини маълум қилди.
Толибонга кўра, улардан 36 нафарининг Тожикистонда яшаш учун рухсатномаси, 13 нафарининг паспорт ва визаси бўлган. Толибон вакилларининг таъкидлашича, уларни депортация қилиш сабаби номаълум.
Тожикистон расмийлари бу ҳақда ҳеч нарса демаган.
Бир ой аввал, 21 апрел куни Афғонистон ёш журналистлар маркази Тожикистон 50 га яқин афғон қочқинини депортация қилгани ҳақида хабар берган эди. Ўшанда Ваҳдат шаҳрида яшовчи бу шахсларда БМТнинг Қочқинлар бўйича Олий комиссари бошқармаси томонидан берилган барча қочқин ҳужжатлари бўлгани хабар қилинган эди.
"Қочқинлар Ваҳдат шаҳар хавфсизлик бўлимига чақирилиб, ҳужжатлари олиб қўйилди, сўнгра икки машинада чегарага олиб кетилди. Яна бир қанча қочқинлар ҳам Тожикистон хавфсизлик кучлари томонидан кўча ва бозорларда ушланиб, Афғонистонга депортация қилинди", — дейилади марказ хабарида.
Норасмий маълумотларга кўра, айни пайтда Тожикистонда, асосан, Душанбе ва Ваҳдат шаҳарлари ҳамда Рудакий вилоятида 10 мингдан ортиқ Афғонистон фуқароси истиқомат қилади.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
