Украина ва АҚШ расмийлари иштирокида ўт очишни тўхтатиш бўйича музокаралар 23 март куни Саудия Арабистонининг Жидда шаҳрида давом этади
Бу ҳақда АҚШ президенти Доналд Трампнинг Яқин Шарқ бўйича махсус вакили Стив Уиткофф Fox News телеканалига берган интервюсида маълум қилди.
Уиткофф Қўшма Штатлар томонидан Жиддадаги музокараларда яна давлат котиби Марко Рубио ва президентнинг миллий хавфсизлик бўйича маслаҳатчиси Майк Уолц қатнашишини айтди, лекин Украина томонидан музокараларда кимлар иштирок этишига аниқлик киритмади.
"Ўйлашимча, Қора денгиз акваториясидаги нишонлар ва энергетика инфратузилмасига ҳужумларни тўхтатиш масалаларида россияликлар билан аллақачон келишилган. Умид қиламанки, украиналиклар ҳам бунга рози бўлишади", — деди Уиткофф.
Шунингдек, у АҚШ томонидан таклиф этилган 30 кунлик ўт очишни тўхтатиш "энергетика ва инфратузилма объектларининг ҳимоясига" тегишли эканини таъкидлади.
Аввалроқ Кремл Доналд Трамп билан музокаралар якунлари бўйича Россия президенти Владимир Путин ҳарбийларга 30 кун давомида Украина энергетика объектларига зарба беришни тўхтатишни буюрганини хабар қилган эди. Бироқ Украина томони икки етакчининг суҳбатидан бир неча соат ўтиб, фуқаролик инфратузилмасига қатор зарбалар берилганини маълум қилди.
Хитой ўз аҳолисини жиддий огоҳлантирди
Тошкент шаҳри ҳавоси ифлосланишининг сабаби маълум бўлди
Эронда ҳижоб бекор қилиндими?
