Республика ихтисослаштирилган кўз микрохирургияси илмий-амалий тиббиёт маркази Қашқадарё филиалида навбатдаги босқичда имтиёзли тарзда 22 нафар беморнинг кўзларига сунъий гавҳар қўйиш амалиётлари ўтказилди.
Мазкур юқори технологияли операциялар Давлат тиббий суғурта жамғармаси ҳисобидан ташкил этилди.
Жарроҳлик амалиётлари филиалнинг моҳир кўз жарроҳлари ҳамда малакали мутахассис Муроджон Темиров томонидан муваффақиятли тарзда бажарилди.
Шунингдек, 60 дан ортиқ бемор кўрикдан ўтказилиб, зарур тавсиялар берилди.
Филиал фаолиятидаги яна бир муҳим янгилик — бу шифо масканига янги "Як" лазер ускунасининг келтирилиши бўлди. Бу ускуна йўқлиги боис йилига глаукома ва катарактадан азият чекаётган 500 нафардан ортиқ бемор марказга юборилар эди. Эндиликда кўзнинг олдинги қисмида бажариладиган бу турдаги операциялар вилоятнинг ўзида, тиғсиз амалга оширилади.
Қибрайда юз берган отишма юзасидан расмий ахборот берилди
Эртага, 24 октябрь куни қандай об-ҳаво бўлиши маълум қилинди
Комил Алламжоновга уюштирилган суиқасд бўйича расмий баёнот берилди
