БМТ университети олимларининг ҳисоб-китобларига кўра, сунъий интеллектни қувватлантирадиган глобал инфратузилма бўлган маълумотларни қайта ишлаш марказлари 2030 йилга келиб йилига 945 тераватт-соат электр энергияси истеъмол қилади.
Бу Покистон, Бангладеш ва Нигериянинг йиллик электр энергияси истеъмолидан деярли уч баравар кўп.
Аммо энергиядан ташқари, сунъий интеллектни ривожлантириш ҳам сув билан боғлиқ. Янги тадқиқот шуни кўрсатдики, ушбу ўн йилликнинг охирига келиб, сунъий интеллект учун 1,3 миллиард киши истеъмолига тенг миқдорда сув талаб этилади.
Олимлар сунъий интеллектнинг атроф-муҳитга таъсири кам баҳоланаётганини таъкидлашди. Унинг ишлаши билан боғлиқ иссиқхона газлари чиқиндилари таҳлил қилинса-да, бошқа экологик харажатлар ҳисобга олинмаган.
Шу билан бирга, баъзи “яшил” ечимлар вазиятни ёмонлаштириши мумкин. Муайян қайта тикланадиган энергия манбаларига ўтиш углерод чиқиндиларини камайтиради, аммо сув истеъмоли ва ердан фойдаланишни сезиларли даражада оширади.
Мутахассислар баъзи мамлакатларда сунъий интеллект иншоотларини кенгайтириш, баъзан қурғоқчилик шароитида, сув таъминоти учун катта харажатларни келтириб чиқариши ҳақида огоҳлантирди. Улар “масъулиятли сунъий интеллект экотизими”ни яратишга чақиришди. Университет веб-сайтига кўра, ҳукуматларга энергия, сув ва ердан фойдаланишни режалаштиришда сунъий интеллект инфратузилмасини кўриб чиқиш, компанияларга эса ресурслар сарфини минималлаштирадиган тизимларни ишлаб чиқиш тавсия қилинди, деб хабар берди mir24.tv.
2026 йил ёзда Марказий Осиё мамлакатларида аномал даражада кучли ёғингарчиликлар кузатилиши мумкин
Миллион россиялик мамлакатни тарк этди
Ўзбекистон – Нидерландия ўртоқлик ўйини Нью-Йоркда бўлиб ўтади
