2025 йилда Саудия Арабистони қатл қилишлар сони бўйича рекорд ўрнатди

2025 йилда Саудия Арабистони 356 та ўлим жазосини ижро этиб, қатл қилишлар сони бўйича рекорд ўрнатди.

Бу ҳақда Daily Mail нашри хабар бермоқда.

"2025 йилда Саудия Арабистони 356 кишини қатл қилиб, қиролликда бир йил ичида қатл этилган маҳбуслар сони бўйича янги рекорд ўрнатди", — дейилади мақолада.

Таҳлилчилар ўлим жазоларининг кўпайишини маҳаллий ҳокимият томонидан олиб борилаётган "наркотикларга қарши уруш" билан изоҳламоқда. Бундай ҳолатларда жами 243 киши ҳалок бўлган.

2024 йилда Саудия Арабистонида 338 киши қатл этилган.