«Sportico» журнали 2023 йил якунлари бўйича энг кўп даромад оладиган 100 нафар спортчи рейтингини тузиб чиқди.
«Репорт» хабарига кўра, биринчи ўрин Саудия Арабистонининг «Ал-Наср» футбол жамоасининг португалиялик футболчиси Криштиану Роналдуга насиб этди.
2023 йилда футболчи 275 миллион доллар (ҳомийлардан 60 миллион доллар – Эслатма) ишлаб топган.
Гольфчи Жон Рамнинг даромади Роналдуникидан 72 миллион долларга кам. 2023 йилнинг энг бадавлат спортчиларининг дастлабки учлигини «Интер Маями» ҳужумчиси, аргентиналик Лионел Месси банд этган. Амалдаги жаҳон чемпиони бир йилда 130 миллион доллар ишлаб топган.
Sportico'нинг энг яхши 10 та рейтинги қуйидагича:
Криштиану Роналду (футбол) – 275 миллион доллар
Жон Рам (гольф) - 203 миллион доллар
Лионел Месси (футбол) – 130 миллион доллар
Леброн Жеймс (баскетбол) – 125,7 миллион доллар
Килиан Мбаппе (футбол) – 125 миллион доллар
Неймар (футбол) – 121 миллион доллар
Стивен Карри (баскетбол) – 98,9 миллион доллар
Жаннис Андетокумпо (баскетбол) – 88,4 миллион доллар
Кевин Дюрант (баскетбол) – 86,9 миллион доллар
Патрик Маҳомес (Америка футболи) – 84,3 миллион доллар.
