2018 йилдан бери Британияга денгиз орқали келган ноқонуний муҳожирлар сони 150 мингдан ошди

Охирги олти йил ичида 150 мингдан ортиқ ноқонуний муҳожир Буюк Британияга Ла-Манш бўйи орқали ўтган.

Бу ҳақда Sky News телеканали Буюк Британия ички ишлар вазирлиги маълумотларига таяниб хабар берди.

2018 йилда ноқонуний муҳожирлар биринчи марта Буюк Британияга денгиз орқали Франциядан кела бошладилар, пуфланувчи қайиқларда Ла-Манш бўйидан ўтишди. Ўша йил давомида Буюк Британияга 1 мингдан кам одам ўтган. 2024 йилда 36 мингга яқин ноқонуний муҳожир денгиз йўлидан фойдаланган. Ушбу кўрсаткич бўйича рекорд йил 2022 йил бўлиб, 45,8 минг киши хавфли саёҳатни амалга оширган.