Полиция Кейптаун халқаро аэропортида Жанубий Африкадан 150 та заҳарли чаённи яширинча олиб чиқишга уринган эркакни ҳибсга олди.
Бу ҳақда SABC радиоси хабар берди.
Чаёнлар унинг рўйхатдан ўтган юкидаги кийимлар орасидан пластик пакетларда топилган. Чорвачилик ўғирлигига қарши курашиш ва йўқолиб кетиш хавфи остида турган турларни ҳимоя қилиш бўйича махсус полиция бўлими ходимлари режалаштирилган контрабанда уриниши ҳақида олдиндан хабардор қилинган.
28 ёшли эркак Табиат ва атроф-муҳитни муҳофаза қилиш тўғрисидаги қонунга биноан ҳибсга олинган. У шу душанба куни ёввойи ҳайвонларни ноқонуний сақлаш ва контрабанда қилиш айбловлари билан судга келиши режалаштирилган.
Полиция унинг қайси мамлакатга учишни режалаштирганини ёки мусодара қилинган чаёнлар турини аниқламади.
Ўзбекистон — Колумбия ўйини учун чипталар сотуви рекорд даражага чиқди
АҚШда ҳам тўй қилаётганлар ақлдан озмоқда
Сўнгги 140 йилдаги энг кучли Эл-Нино ҳодисаси яқинлашмоқда. Бу бутун дунёдаги об-ҳавога таъсир қилиши мумкин
