Конго Демократик Республикаси шарқида (КДР) 100 дан ортиқ маймун чечаги билан касалланган беморлар мамлакат армиясининг М23 гуруҳи билан жанги туфайли даволаш марказларини тарк этди. Бу ҳақда Actualité хабар берди, деб ёзади РИА Новости.
“Бир юз йигирма саккиз нафар бемор карантин марказларидан қочиб кетди”, – дейилади хабарда.
Шимолий Киву провинциясида М23 ҳужуми билан боғлиқ қатор муаммолар, жумладан, тиббий таъминотнинг узилиши, сув ва электр тақчиллиги мавжуд.
Агентлик маълумотларига кўра, ўтган ҳафтада КДРда маймун чечаги касаллигининг 2707 та ҳолати қайд этилган, шу жумладан 516 таси тасдиқланган ва 38 киши вафот этган.
Умуман олганда, Конго ДРда маймун чечагининг 70 000 дан ортиқ ҳолатлари аниқланган, шу жумладан 13 000 дан ортиқ тасдиқланган ҳолатлар ва 1 407 ўлим қайд этилган.