10 июль Месси ва Роналду учун алоҳида аҳамиятга эга кун эканлигини билармидингиз?

10 июль футбол тарихида алоҳида аҳамият касб этадиган кун ҳисобланади. Ушбу санада Месси ҳам Роналду ҳам сардор сифатида миллий жамоа билан ўзларининг илк совринини қўлга киритишган.

9 йил аввал португалиялик «юлдуз» Криштиану Роналду ўзининг миллий жамоаси билан биринчи совринини қўлга киритди. Евро 2016 финалида Португалия қўшимча дақиқаларда Эдернинг голи эвазига Францияни мағлуб қилган эди. Ўшанда Роналду кутилмаганда орттириб олган жароҳати туфайли баҳснинг 25-дақиқасида майдонни эрта тарк этишга мажбур бўлган ва ўйиннинг қолган қисмда мураббий билан тенгма-тенг туриб футболчиларга кўрсатмалар берган эди.

Месси исми Роналду билан ҳар доим бир хилда тилга олинади. Лионел 4 йил аввал Аргентина миллий жамоаси билан ўзининг илк титулини қўлга киритган эди. Месси жамоаси Копа Америка 2021 финалида Бразилияни 22-дақиқада Ди Мариянинг голи эвазига мағлубиятга учратган эди. Ўшанда Месси 4 та голи билан турнирнинг энг яхши тўпурари ва чемпионатнинг энг яхши футболчиси бўлган эди.