Туркия ва Ўзбекистон Ички ишлар вазирликлари ҳамкорлигида ўтказилган тезкор тадбир натижасида киберфирибгарликда айбланаётган Умид Зоҳиржонов Ўзбекистонга депортация қилинди.
Бу ҳақда Истанбулдаги Бош консулхона деб хабар берди.
Маълумотларга кўра, 2005 йилда туғилган Зоҳиржонов Умид Дилшод ўғли бир қатор онлайн фирибгарлик жиноятларини содир этиб, 10 дан ортиқ фуқаронинг маблағини ўзлаштирган. У халқаро қидирувда бўлган.
Ушбу шахснинг ноқонуний хатти-ҳаракатлари оқибатида жабрланган фуқаролардан Ўзбекистон Ички ишлар вазирлигига ёки унинг ҳудудий бўлинмаларига, шунингдек Ўзбекистоннинг Истанбул шаҳридаги Бош консулхонасига мурожаат қилишлари сўралади, дейилади хабарда.
Таъкидланишича, жиноий жавобгарликдан қочиб хорижий давлатларда, жумладан, Туркияда яширинган ҳар бир шахсга нисбатан жиноий таъқиб изчил давом эттирилиши ва «жиноят учун жавобгарлик» тамойили қатъий таъминланади.
Шунингдек, сўнгги вақтларда турли фирибгарлик ҳолатлари бўйича Истанбулдаги Бош консулхонага келиб тушаётган мурожаатлар кўпайгани қайд этилди. Фуқаролар фирибгарлар тузоғига тушиб қолмаслик учун ҳушёрликка чақирилди.
Боғча мудираси иштирокидаги жанжалли вазият юзасидан қарор қабул қилинди (ВИДЕО)
Ким Чен Иннинг саломатлигига доир айрим маълумотлар ошкор қилинди
Россия активларининг Украина фойдасига мусодара қилинишига қарши чиққан ЕИ давлатлари номлари эълон қилинди
