Меҳнатга ҳақ тўлаш янгиланган ягона тариф сеткаси тасдиқланди

16 сентябрда Вазирлар Маҳкамасининг «Меҳнатга ҳақ тўлаш ягона тариф сеткасини янада такомиллаштириш тўғрисида»ги 775-сонли қарори қабул қилинди.

Маълумки, 1 сентябрдан «энг кам иш ҳақи миқдори» тушунчаси бекор қилиниб, унинг ўрнига меҳнатга ҳақ тўлашнинг энг кам миқдори (634.880 сўм) ҳамда базавий ҳисоблаш миқдори (223.000 сўм) жорий қилинган эди.

Шу сабабли кўпчилик энди ойлик иш ҳақлари қанақа ҳисобланади, деб сўраётганди. Ушбуи жадвалда айни шу саволга жавоб топиш мумкин.

Ўзбекистонда меҳнатга ҳақ тўлашнинг 22 та разряди бор. Ҳар бир разряднинг оклад иш ҳақи турлича бўлади. Сиз ўзингизни окладингиз қанча бўлишини жадвал асосида ўзингиз ҳисоблаб кўришингиз мумкин. Бунинг учун разряд рўпарасидаги коэффициентни 634.880 сўмга кўпайтирасиз.

Масалан, 7-разрядда ишлайдиган ходимларнинг оклад иш ҳақини ҳисоблаймиз - 1,505х634880=955494.

Демак, 7-разряддаги ходимларнинг оклади - 955 минг 494 сўмни ташкил этади, деб ёзади Хушнудбек.