Молдова Украинадан дон импортига чекловларни олиб ташлайди.

Молдова Украинадан дон импортига чекловларни олиб ташлайди
Молдова ҳукумати 2026 йил бошида Украинадан дон импортига қўйилган чекловларни бекор қилади.

Бу ҳақда мамлакат қишлоқ хўжалиги вазири Людмила Катлабуга маълум қилган.

Лицензиялашнинг махсус режими 2025 йил 31 декабрдан кейин бекор қилинади.Вазирнинг сўзларига кўра, амалдаги қонунчилик базаси энди бу чорани узайтиришга имкон бермайди.

"170-сонли қонунга кўра, дон импортини лицензиялаш тартиби энди узайтиришни назарда тутмайди. Натижада, биз оддий режимга ўтмоқдамиз", деб таъкидлади Катлабуга.

Вазир, шунингдек, расмийлар дон бозори устидан қаттиқ назоратни сақлаб қолиш ниятида эканини қайд этди.

"Вазият тўсатдан бозор зарбаларининг олдини олиш учун доимий равишда кузатиб борилади", деди у.

Вазирнинг таъкидлашича, назорат импорт ва экспорт қилинадиган миқдорларни мажбурий ва тўлиқ декларация қилишни талаб қилади.

Молдова фермерлар уюшмаси аввалроқ Украинадан дон импорти учун лицензиялаш режимини узайтирмаслик ички бозорда жиддий муаммоларга олиб келиши мумкинлигини таъкидлаган эди.