Молдова ҳукумати Россияни Кишинёвдаги Россия фан ва маданият маркази - Россия уйи фаолият юритган ҳукуматлараро келишув денонсация қилингани ҳақида хабардор қилди.
Бу ҳақда Молдова ташқи ишлар вазири Михай Попшой журналистларга маълум қилди.
"Россия томони аллақачон хабардор қилинган ва бу ёзда, катта эҳтимол билан, июнь ойи охири ёки июль ойининг бошида, амалдаги келишув қоидалари тугаши билан, у узайтирилмайди, бу ҳужжатнинг қонуний амал қилиш муддати тугашини англатади. Бу муддатдан кейин марказ Молдова Республикасида фаолият юритиш учун қонуний асосга эга бўлмайди", деди Попшой.
Унинг қўшимча қилишича, халқаро ҳуқуқ нормаларига кўра, Россия томони ушбу қоидаларга риоя қилиши шарт.
Аввалроқ Россия ТИВ матбуот котиби Мария Захарова Россиянинг Кишинёвдаги элчихонаси Молдова Ташқи ишлар вазирлигидан ҳукуматлараро келишувни бекор қилиш нияти ҳақида нота олганини тасдиқлаган эди.
Африкада ўзини "пайғамбар" деб атаётган шахс қурган кема атрофида ўн минглаб одам тўпланди
Ўқитувчилар ва тиббиёт ходимларининг ойлиги 2 баравар оширилади
Мактаб ва коллеж битирувчилари 1 йиллик ҳарбий хизматга жалб қилинади
