Amazon ўзининг шахсий атом электр станциясини қуриш режасини эълон қилди

Жефф Безос енди атом технологияларига катта эътибор қаратаяпти: интернет гиганти Amazon ўзининг биринчи атом электр станцияси лойиҳасини тақдим этди. Компания серверлари ва сунъий интеллект дастурларини энергия билан мустақил таъминлашни режалаштирмоқда.

Вашингтон штатида қуриладиган янги иншоот Cascade Advanced Energy Facility деб номланади. Унинг дастлабки босқичида тўртта Xe-100 турдаги кичик реактор ўрнатилади. Умумий режа бўйича эса 12 тагача кичик модулли реакторлар (SMR — Small Modular Reactors) қурилади.

Бу мини-реакторларни Америкадаги X-energy компанияси ишлаб чиқаради. Amazon ушбу компанияга 2024 йил октябрида тахминан 500 миллион доллар сармоя киритган эди. Лойиҳага бошқа инвесторлар ҳам қўшилган.

Лойиҳанинг биринчи босқичида реакторлар 320 мегаватт электр энергияси ишлаб чиқаради. Барча реакторлар ишга туширилгандан сўнг, умумий қувват 960 мегаваттга етади — бу тахминан 3,8 миллион хонадонни ток билан таъминлашга етади.

▶️ Энергия нималарга сарфланади?

Amazon бу энергияни асосан:

• ўзининг серверлари,

• сунъий интеллект (AI) тизимлари

• ва рақамли инфратузилмаси учун ишлатишни режалаштирмоқда.

Шу билан бирга, компания ўзининг CO₂ чиқиндиларини камайтириш мақсадида ҳам ушбу лойиҳани амалга оширмоқда.