АҚШда ноқонуний муҳожирларга қарши кескин рейд бошланди

Қўшма Штатларда ноқонуний муҳожирларни кейинчалик депортация қилиш учун ҳибсга олиш учун рейдлар бошланди.

Бу ҳақда CNN телеканалида президент Дональд Трамп маъмуриятининг чегара хавфсизлиги масалалари бўйича куратори Томас Хоман маълум қилди.

"Ҳа, иммиграция ва божхона хизмати бугунги кунда қонунни жорий қилмоқда. Бу бизнинг устувор вазифамиз бўлади" - деди у.

Эслатиб ўтамиз, 20 январь куни АҚШ президенти Дональд Трамп Вашингтонда ўз тарафдорларига мурожаат қилиб, Мексика билан чегара орқали ноқонуний мигрантларнинг мамлакатга “киришини тўхтатишга” ваъда берган эди.

Трамп АҚШ Конгрессининг марказий залида инаугурация нутқи чоғида Мексика билан чегарадаги вазият туфайли фавқулодда ҳолат эълон қилишини ва у ерга қўшин жўнатишини айтди. У, шунингдек, мексикалик наркотик картелларини хорижий террорчилик ташкилотлари рўйхатига киритиш ниятини билдирди ва уларга Мексика ҳудудида куч қўлланилишини истисно этмади.