Москва марказидаги Плюшчиха кўчасида юз берган отишма натижасида уч киши касалхонага ётқизилди, дея хабар бермоқда пойтахт Тергов қўмитаси матбуот хизмати.
Бошқарма маълумотларига кўра, бир гуруҳ одамлар ўртасида можаро келиб чиққан, иштирокчилар травматик қурол ишлатган.
“Уч киши воқеа жойидан пойтахт касалхонасига ётқизилди”, — дейилади хабарда.
Ҳозирда терговчилар ҳодиса юзасидан терговга қадар текширув ишларини олиб бормоқда.
