“Путиннинг мияси” муҳожирларга ультиматум қўйди

Россиялик ўта миллатчи ва уруш тарғиботчиси Александр Дугин муҳожирларга "ё православликни қабул қилиб рус бўласиз, ё эркаклар Украинани қараб урушга жўнаб кетади, аёллар эса ҳижобида “Z” белгисини тақади" деб ультиматум қўйди.

Дугинга кўра, Россиядаги тожик, ўзбек ёки озарбайжонликлар православликни қабул қилиб, Украина урушида Россия тарафини қўллаб-қувватласа, мигрант эмас рус сифатида кўрилади. У бундай йўлни ассимилятсиянинг ягона шакли деб айтди.

Маълумот учун, 63 ёшли Александр Дугин — ўта ўнг сиёсий қарашлари билан танилган шахс. У Россия империализмини тарғиб қилади. Кўп ҳолларда уни “Путиннинг мияси” ёки “Путиннинг Распутини” деб аташади.