Олмаота вилоятининг Уштобе шаҳрида безорилар православлар қабристонини вайрон қилди. Бу ҳақда «Спутник Қозоғистон» хабар бермоқда.
«Хочлар, ёдгорликлар ва панжаралар синдирилган», — дейилади агентлик хабарида.
Агентлик маълумотларига кўра, полиция воқеа юзасидан жиноий иш қўзғатган. Қозоғистон президенти Қосим-Жомарт Тоқаев айбдорларни топишни буюрди. Бу ҳақда у твиттерда ёзди.
«Ички ишлар вазири Э.Турғумбоевга Уштўбе шаҳридаги (Олмаота вилояти) православ қабристонини таҳқирлаган бузғунчиларни қонунда белгиланган тартибда жиноий жавобгарликка тортиш учун топиш топширилди», — деб ёзади президент.
