Time nashri Ukraina prezidenti Vladimir Zelenskiy bilan eksklyuziv intervyu o‘tkazdi. Jurnalist Saymon Shuster uning ish joyida bo‘lib, prezidentning shaxsiy xonalariga ham kirish imkoniga ega bo‘ldi.
Shusterning yozishicha, Zelenskiyning kabinetiga tutash bir kichik xonada prezidentning shaxsan o‘zi tanlagan bir nechta suratlar mavjud.
"Bu xonaning devorida bir nechta tasvirlar ilingan. Masalan, xonadagi krovat ustidagi rasmda Rossiyaning mashhur "Moskva" harbiy kemasi Qora dengizga g‘arq bo‘layotgani aks etgan. Boshqa bir rasm esa yaqinda Rossiya hududida jang qilgan ukrain askarlarini tasvirlaydi. Ammo Zelenskiyning eng sevimli tasviri bu Kremlning olov ichida yonayotgan ko‘rinishidir", – deb yozadi jurnalist. Time nashri chop etgan suratda ushbu tasvirni ko‘rish mumkin.
Ukraina samolyotlari Rossiyadagi boshqaruv punktini yo‘q qildi
Fransiya Makronni lavozimidan chetlatilishini talab qilmoqda
Rossiyada ayrim migrantlarga patentsiz ishlashga ruxsat berildi
