Ukraina Xavfsizlik Xizmati (SBU) bo‘linmalari Rossiyaning Stavropol o‘lkasidagi uchta neft omboriga va Rossiya soya flotiga tegishli uchta kemaga zarbalar berdi.
Bu haqda Ukraina Prezidenti Vladimir Zelenskiy e’lon qildi.
"Biz Rossiya zarbalariga adolatli va aniq javob berishda davom etamiz. Bugungi kunda Ukrainaning uzoq masofali zarbalari Rossiya tajovuzini qo‘llab-quvvatlovchi va moliyalashtiruvchi muayyan nishonlarga zarba bermoqda", dedi u.
Ukraina rahbarining aniqlik kiritishicha, Ukraina chegarasidan taxminan 600 km uzoqlikda joylashgan Stavropol o‘lkasidagi uchta neft omboriga qilingan zarbalar uchta ob’ektda ham keng ko‘lamli yong‘inlarga sabab bo‘ldi. Yoqilg‘i-moylash materiallari baklarida portlashlar va yong‘inlar qayd etilgan.
Zelenskiyning so‘zlariga ko‘ra, Qora dengizda Rossiya soya flotiga tegishli uchta tankerga aniq zarbalar qayd etilgan. Ular orasida SBU ma’lumotlariga ko‘ra, G7 mamlakatlari va Yevropa Ittifoqi tomonidan joriy etilgan neft embargosi paytida Rossiya xom neftini tashish uchun ishlatilgan Avero kemasi ham bor.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
AQSh elchisi dunyo boshqaruvini yahudiylarga berish taklifi bilan chiqdi
Turkiya Isroilga javob zarbasini rejalashtirmoqdami?
