Ukraina prezidenti Vladimir Zelenskiy, agar Donald Tramp yana prezident bo‘lsa, nima qilishini oldindan aytib bera olmasligini aytdi. Zelenskiyning ta’kidlashicha, butun dunyo, jumladan, Vladimir Putin ham AQShda noyabr oyida bo‘lib o‘tadigan saylovlarni kutmoqda.
«Men uni yaxshi bilmayman», dedi Zelenskiy Tramp haqida va Trampning birinchi prezidentligi davrida u bilan «yaxshi uchrashuvlar» o‘tkazganini, ammo bu 2022 yilgi Rossiya bosqinidan oldin bo‘lganini aytdi.
«Agar u Qo‘shma Shtatlar prezidenti bo‘lganida nima qilishini ayta olmayman. Bilmayman», — deya qo‘shimcha qildi Ukraina prezidenti.
Zelenskiy Trampning NATOdan chiqmasligiga umid qilishini va Amerika Ukrainani Rossiyaning ikki yildan ortiq bosqinidan himoya qilishda qo‘llab-quvvatlashda davom etishini aytdi.
💬 «Hamma noyabr oyini kutmoqda. Amerikaliklar noyabrni kutmoqda, Yevropada, Yaqin Sharqda, Tinch okeani mintaqasida, butun dunyo noyabrni kutmoqda, ochig‘i, Putin ham noyabrni kutmoqda», — dedi Zelenskiy Vashingtondagi NATOning yubiley sammitida so‘zlagan nutqida.
💰 AQSh prezidentligiga Respublikachilar partiyasidan nomzod bo‘lgan Tramp tez-tez AQShning Ukrainaga harbiy yordami miqdorini tanqid qilib keladi.
